SWOT GREINING fyrir persónulegan árangur

Mynd 3 (sköpuð af staffworkscanada.ca)

SVOT (styrkleikar, veikleikar, tækifæri og ógn) GREINING er algengt greiningartæki meðal fagmanna til að leggja mat á fortíð, nútíð og framtíða stöðu fyrirtækis. Það veitir stjórnendum nýtt sjónarhorn á það sem fyrirtækin gera vel, hvar ógnanir þess liggja og hvaða leiðir eiga að taka sér fyrir hendur.

Persónulega SWOT greiningu má einnig beita fyrir einstakling sem er í leit að markmiðum sínum í starfi. Það veitir innsýn byggð á styrkleika einstaklingsins og veikleika, hvaða ógnanir frumkvöðullinn sér og hvaða tækifæri eru í umhverfinu núna og í framtíðinni.

S.W.O.T. Stendur fyrir:

S = Styrkleikar (innri)

W = Veikar hliðar (innri)

O = Tækifæri (ytri)

T = Ógnanir (ytri)

Styrkleikar. Til að hjálpa þér að skilja styrk þinn skaltu ímynda þig sem samkeppnisafurð.

Persónulegur styrkur þinn má líta á sem eign eða afurð sem hægt er að nota til aðgreiningar frá öðrum afurðum. Nokkur dæmi um styrkleika eru færni til að stjórna verkefnum, getu til að bæta eða endurnýja verkferla, færni til að vinna með tölvur.

Veikar hliðar. Persónulegur veikleiki er ókostur eða möguleiki til vaxtar. Líta má á þetta sem einkenni sem þú gætir bætt til að auka árangur í starfi. Nokkur dæmi um veikleika mætti nefna svo sem lélegt skipulag, léleg tímastjórnun, úrelt tölvukunnátta.

Tækifæri og ógnanir. Þegar skoðuð eru tækifæri og ógnir getur verið gott að byrja á „ógnunum“. Reyndu að bera þig saman við fólk sem þú munt eiga í samkeppni við í fyrirtækinu þínu. Þá skalt þú á hlutlægan hátt leggja mat á þær ógnanir sem þú stendur frammi fyrir (samkeppnisógnir) og hugsaðu út mögulegar leiðir til að sigrast á þeim (tækifæri / frumkvæði). Hér eru dæmi sem gætu hjálpað þér að skilja ferlið:

Ógnanir: Kona sem þú lítur á sem samkeppnisaðila er farin að birta reglulega YouTube myndskeið með áhugaverðu efni sem eykur verulega drægi hennar sem manneskju og sölu afurðar hennar. Þér finnst ekki þægilegt að tala við áhorfendur fyrir framan myndavélina og hefur áhyggjur af því að missa mögulega viðskiptavini  og jafnvel núverandi viðskiptavini til keppinautar þíns.

Tækifæri: Þú gætir farið í námskeið til að auka öryggi þitt við að tala fyrir framan áhorfendur og þú gætir líka lært hvernig á að búa til hrífandi myndskeið. Þú gætir líka skoðað aðrar skapandi leiðir til að fanga áhuga hugsanlegra viðskiptavina þinna (t.d. bloggfærslur, hlaðvarp, o.s.frv..).

Eftirfarandi spurningar geta leitt þig í gegnum persónulega SWOT-GREININGU:

Þegar þú ferð í gegnum þetta ferli má nota eftirfarandi ráð við SWOT greiningu:

– Veldu þér stað þar sem er þægilegt og hljóðlátt.

– Reyndu að vera afslöppuð og yfirveguð.

– Skrifaðu niður hugsanir þínar eins fljótt og auðið er.

– Forðistu að vera of gagnrýnin á sjálfa þig þegar þú metur „Veikleika“ þína.

– Líttu á þig sem samkeppniafurð og skemmtu þér við að búa til listann.

– Mundu að það eru engin röng svör.

Eftir að hafa lokið SWOT greiningunni skaltu biðja einhvern sem þekkir þig vel að fara yfir hana og gefa þér endurgjöf. Fersk sjónarhorn gæti hjálpað þér að skilja enn betur hvar og hvernig er best að verja tíma þínum og til að gera þær breytingar eða endurbætur á sjálfa þig sem þú telur þörf á.

Horfðu á eftirfarandi myndband og lestu eftirfarandi grein til að fá frekari ráð um hvernig á að framkvæma persónulega SWOT greiningu.